За сваю долю ў МТС беларускі бок жадае атрымаць 300 млн долараў
Беларускі бок вядзе перамовы з турэцкім сотавым аператарам аб продажы МТС, паведамляе "Наша Ніва".
51% акцый МТС належыць дзяржпрадпрыемству "Белтэлекам" , яшчэ 49% — "Мабільным тэлесістэмам" Расіі.
Расійскі бок не супраць угоды. Са слоў крыніцы выдання, сума ўгоды залежыць ад таго, ці пагодзіцца Беларусь прадаваць "толькі беларускую частку або беларускую частку разам з расійскай, усё з Белтэлекамам або без яго".
Пры гэтым "Белтэлекам" можа ўвайсці ў пяты пакет эканамічных санкцый Еўрасаюза, які ў цяперашні час абмяркоўваецца на міжнародных кансультацыях.
За сваю долю ў МТС беларускі бок жадае атрымаць 300 млн долараў.
Як паведамляла Еўрарадыё, у панядзелак Аляксандр Лукашэнка прызначыў новага дырэктара МТС. Ім стаў Уладзіслаў Андрэйчанка. Уладзіслаў — сын Уладзіміра Андрэйчанкі, які займае пасаду старшыні Палаты прадстаўнікоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут