Беларусь увяла бязвізавы рэжым для грамадзян Аб'яднаных Арабскіх Эміратаў (ААЭ). Яны самі рэгіструюцца па месцы фактычнага часовага знаходжання, калі прыехалі ў Беларусь не больш чым на 30 сутак. Калі грамадзяне Эміратаў захочуць застацца на больш доўгі тэрмін, то могуць яго падоўжыць.
Для беларусаў аднаразовая віза ў Аб'яднаныя Арабскія Эміраты каштуе 60 долараў, а шматразовая на паўгода каштуе 630 долараў. Пры гэтым атрымаць візу можна толькі па запрашэнні спонсара, якім можа выступіць як грамадзянін ААЭ, так і 4-5 зоркавы гатэль.