Мадрыдскі "Рэал" разграміў "Раё Вальекана" — 10:2. У чэмпіянаце Іспаніі столькі не забівалі з 1960 года.
Цікава, што на 12-й хвіліне "Рэал" прайграваў з лікам 1:2. Аднак далей для гасцей пачаўся сапраўдны кашмар. Чатыры галы на рахунку Гарэта Бэйла, тры — Карыма Бензема, два — Крышціяну Раналду.
"Рэал" знаходзіцца ў турнірнай табліцы на 3-м месцы, мае 33 ачкі. У "Барселоны" і "Атлетыка" — па 35 ачкоў і матч у запасе.
Фота: mk.ru