Атакаваны дронам рэйсавы аўтобус / Нацпаліцыя
Зранку 13 сакавіка рэйсавы аўтобус "Харкаў — Вялікі Бурлук" у Купянскім раёне Харкаўшчыны быў атакаваны расійскім беспілотнікам. Пра гэта паведамляе hromadske.ua са спасылкай на паліцыю і кіраўніцтва Купянскага раёна.
Паводле звестак мясцовай адміністрацыі, акупанты атакавалі дарогу беспілотнікамі тыпу "Ланцэт". Адзін з іх пацэліў у рэйсавы аўтобус, які вёз 15 пасажыраў.
Пры атацы загінуў 53-гадовы кіроўца аўтобуса. Раненні атрымалі чатыры чалавекі — пасажыркі аўтобуса ва ўзросце 44, 53 і 59 гадоў і 73-гадовы мясцовы жыхар.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут