У Лагойску 2 кастрычніка ў 22:05 адбылося ДТЗ з удзелам чатырох аўтамабіляў, паведамляе сайт "Плещеницы.by".
Інцыдэнт здарыўся на стаянцы каля дома №2 па Усходнім завулку. Нецвярозы кіроўца легкавога "Фальксвагена" не справіўся з кіраваннем і ўрэзаўся ў прыпаркаваны аўтамабіль "Хендэ". Ад удару абедзве машыны з'ехалі з горкі. Акрамя таго, падчас манеўраў "Фальксваген" пашкодзіў яшчэ два прыпаркаваныя аўто.
Адразу пасля ДТЗ кіроўцу забралі яго таварышы і ўцяклі з месца здарэння.
Пазней мужчына заявіў супрацоўнікам ДАІ, што яго аўтамабіль угналі і падчас ДТЗ за рулём быў невядомы.
Разбіральніцтвам займаецца Лагойскі РАУС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.