Старшыня Кансерватыўна-хрысціянскай партыі-БНФ Зянон Пазняк паўдзельнічаў у сумесным святкаванні беларускімі эмігрантамі ў Нью-Джэрсі 100-х угодкаў абвяшчэння дзяржаўнай незалежнасці Беларускай Народнай Рэспублікі. Ён выступіў з дакладам, прысвечаным “значэнню незалежнасці БНР у гісторыі беларускай нацыі”. “Няхай гэты дзень і ўспаміны аб вялікіх справах наблізяць нас да шчасця нашай дарагой Бацькаўшчыны-Беларусі”, — сказаў Пазняк. “Жыве Беларусь! Слава Айчыне!”, — гэтымі словамі ён скончыў сваю прамову.