Пракурор патрабуе для галоўнага рэдактара "Нашай Нівы" Ягора Марціновіча і кіраўніка рэкламнага аддзела выдання Андрэя Скурко два з паловай гады калоніі. За "нанясенне маёмаснай шкоды без прыкмет крадзяжу, учыненае групай асоб па папярэдняй змове, у буйным памеры".
Крымінальную справу з 28 лютага разглядаў суд Заводскага раёна Мінска, суддзя — Анжэла Касцюкевіч.
Ягора Марціновіча і Андрэя Скурко судзяць за аплату камунальных паслуг па тарыфах для фізічных, а не юрыдычных асоб. Шкоду яны кампенсавалі.
Марціновіч і Скурко прызнаныя палітвязнямі. Яны знаходзяцца за кратамі з ліпеня 2021 года. Сёлета "Нашу ніву" ў Беларусі прызналі "экстрэмісцкім фарміраваннем".
Прысуд будзе агучаны ў аўторак, 15 сакавіка, у 14:30.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут