Медыцынскі беспілотнік / t.me/BILD_Russian/
Прадстаўлены першы ў Германіі медыцынскі беспілотнік. Як паведамляе Bild, ён злучыць бальніцы і медыцынскія лабараторыі ў некалькіх гарадах у федэральнай зямлі Бадэн-Вюртэмберг на поўдні краіны. Рэгулярныя палёты пачнуцца са жніўня.
Дрон важыць 14 кілаграмаў і каштуе 80 тысяч еўра. Ён можа перавозіць да 3 кг грузу. Плануецца, што гэта будуць медыцынскія аналізы: узоры крыві і гісталагічныя даследаванні тканін.
На сённяшні дзень перавозка медыцынскіх грузаў беспілотнікам абыходзіцца даражэй, чым па зямлі. Яго будуць выкарыстоўваць тады, калі даследаванне трэба правесці як мага хутчэй.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут