Міліцыя не дала правесці пікет каля рэстарана "Гранд Кушавель", які анансавалі абаронцы Курапатаў. Як перадае з месца падзеяў карэспандэнт Еўрарадыё Марыя Вайтовіч, міліцыянты яшчэ да пачатку акцыі затрымалі грамадскіх актывістаў Вольгу Нікалайчык, Маю Навумаву і Леаніда Кулакова.
У выніку акцыя была сарваная. На месцы здарэння знаходзяцца толькі сілавікі ў цывільным.
Пікет каля рэстарана "Гран Кушавель" — частка грамадскай кампаніі ў абарону Курапатаў. Абаронцы вырашылі пікетаваць не толькі рэстаран "Поедем поедим", размешчаны каля ўрочышча, але і іншыя ўстановы, якія належаць яго ўладальніку Леаніду Зайдэсу.