На волю пасля адміністрацыйнага арышту выйшаў дырэктар па вытворчасці кампаніі EPAM Ігар Аўсянік, піша dev.by.
Пра затрыманне Ігара Аўсяніка стала вядома ў нядзелю, 22 лістапада. Спярша ён трапіў у Першамайскае РУУС, а потым быў перавезены на Акрэсціна.
24 лістапада Аўсяніка асудзілі на 15 сутак за ўдзел у несанкцыянаванай акцыі.
Арышт ён адбываў у ІЧУ ў Баранавічах. на волю выйшаў 7 снежня.
Аўсянік працуе ў EPAM больш за 20 гадоў. Пэўны час ён узначальваў беларускі офіс кампаніі, потым кіраваў персаналам у Вялікабрытаніі, Германіі, Нідэрландах, Швейцарыі ды Аўстрыі. Апошні часам Аўсянік курыруе праекты ў Індыі, Мексіцы, Кітаі, В'етнаме.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.