Пасажыр мінскага метро пажартаваў на 5100 рублёў. На канцавой станцыі "Малінаўка" ён адмовіўся выходзіць з вагона, заявіў дзяжурнай, што ў заплечніку знаходзіцца бомба. Папярэдзіў, што можа яе ўзарваць.
Здарэнне адбылося ў сярэдзіне лютага. Тады "тэрарыста" затрымалі, ён быў п'яны. Сапёры нічога небяспечнага ў яго заплечніку не знайшлі.
Справу 34-гадовага "жартаўніка" перадалі ў суд Маскоўскага раёна сталіцы. 21 траўня быў вынесены прысуд — штраф у памеры 500 базавых велічынь (12750 рублёў). Прэс-служба суда адзначае, што было ўлічана знаходжанне мужчыны за кратамі і яму змякчылі прысуд, штраф знізілі да 200 базавых. Таксама асуджанага чакае прымусовае лячэнне ад наркаманіі. Дарэчы, раней ён меў праблемы з законам, трапляў пад суд.