Ва ўзросце 70 гадоў памёр Лэмі Кілмістэр, лідар і заснавальнік брытанскага рок-гурта Motorhead. Па словах яго сваякоў, якія перадае BBC, у музыкі была вельмі агрэсіўная форма раку.
На афіцыйнай старонцы гурта ў фэйсбуку паведамляецца, што хвароба выявілася ў Лэмі толькі 26 снежня.
Ян Кілмістэр, які ўзяў сабе псеўданім Лэмі, нарадзіўся ў 1945 годзе. У 1975-м ён стварыў гурт Motorhead. Да 2015 года Лэмі заставаўся адзіным музыкам з яе першага складу.
Motorhead — адзін з самых вядомых гуртоў, якія граюць у жанры хэві-метал. Лічыцца, што Motorhead стаялі каля вытокаў "новай хвалі брытанскага хэві-металу" канца 1970-х — пачатку 1980-х гадоў.
Сярод найбольш вядомых песень гурта — The Ace of Spades і Killed by Death.