Ва ўзросце 84 гадоў памерла былая дзяржсакратар ЗША Мадлен Олбрайт, перадае CNN.
Мадлен Олбрайт стала першай жанчынай на пасадзе дзяржсакратара ЗША. Яна працавала ва ўрадзе Біла Клінтана. Дзяржсакратаром была з 1997 па 2001 год.
Нарадзілася Олбрайт у Празе ў 1937 годзе. Калі ёй споўнілася 11 гадоў, сям'я эмігравала ў ЗША.
Як палітык Олбрайт была прыхільніцай жорсткага курсу ЗША ў міжнародных адносінах, выступала за ўзмацненне пазіцый ЗША ў NATO. Падчас яе кіравання Дзярждэпартаментам адбылося пашырэнне NATO на ўсход: у альянс увайшлі Польшча, Венгрыя і Чэхія.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут