Арцём Анішчук ў судзе / spring96.org
Пракуратура прызнала незаконным пакаранне палітвязня Арцёма Анішчука, якое яму прызначылі ў магілёўскай калоніі. Гаворка ідзе пра дапамогу ў турму (памяшканне крытага тыпу, ПКТ). Пра гэта стала вядома праваабаронцам.
Адміністрацыя калоніі ініцыявала ўзбуджэнне крымінальнай справы ў дачыненні да Анішчука — за "злоснае непадпарадкаванне патрабаванням адміністрацыі папраўчай установы". Цяпер, пасля рашэння пракуратуры, яно павінна быць спынена, мяркуюць праваабаронцы.
Па іх словах, Анішчук сутыкнуўся ў калоніі са здзекаваннямі. 40 сутак яго трымалі ў СІЗА, дзе адбыўся непрыемны інцыдэнт. На яго накінуўся зняволены з псіхічнымі захворваннямі і падрапаў яму станком спіну.
Дзе ў дадзены момант знаходзіцца Анішчук, праваабаронцы не ведаюць. У калоніі родным і адвакату кажуць: "Выбыў". Вядома, што справа ў дачыненні да яго не закрытая, адміністрацыя калоніі накіравала Арцёма на псіхіятрычную экспертызу.
Арцёму Анішчуку крыху больш за 30 гадоў. Ён працаваў у метро. Быў асуджаны на 2 гады калоніі агульнага рэжыму за "злоснае хуліганства". Следства сцвярджала, што ён у кампаніі чатырох чалавек пашкодзіў машыну жонкі міліцыянта ў Новай Баравой. Пасля прысуду Анішчука адправілі ў магілёўскую калонію. У чэрвені жонка Арцёма распавяла журналістам, што мужа там катуюць. Каб спыніць катаванні, ён нават праглынуў металічны прадмет. Пракуратура потым прызнала гэты факт.
Сам Анішчук прадузятае стаўленне да яго патлумачыў тым, што начальнік калоніі з'яўляецца сябрам пацярпелага па яго справе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут