ctv.by
Новы міністр аховы здароўя Беларусі Уладзімір Каранік прапанаваў спосаб пазбавіцца ад чэргаў у паліклініках. На яго думку, трэба зрабіць так, каб людзі, якія пакутуюць ад хранічных захворванняў, не перасякаліся з тымі, хто прыйшоў з вострай хваробай. Напрыклад, хранічных хворых адпраўляць да лекараў агульнай практыкі, якіх трэба арганізаваць у асобнае падраздзяленне. Тады лекары будуць ведаць сваіх пацыентаў і будуць марнаваць менш часу на дапамогу ім.
Падзел патокаў пацыентаў дапаможа разгрузіць тэрапеўтаў, яны змогуць займацца сваімі ўчасткамі, растлумачыў Каранік у інтэрв'ю тэлеканалу "Беларусь 1".
Таксама новы кіраўнік Міністэрства аховы здароўя мае намер вырашыць праблему з кансультацыямі лекараў-спецыялістаў у паліклініках. Калі ў паліклініцы немагчыма трапіць, напрыклад, да лора або неўролага, то хворых будуць накіроўваць да спецыялістаў у прыёмныя пакоі шпіталёў. "У іх за спіной моц шматпрофільнай клінікі, і яны могуць аказаць кансультацыю больш высокага ўзроўню і дапамагчы першаснаму звяну", — лічыць Каранік.