Мінскі заапарк напярэдадні 8 сакавіка прапанаваў параўнаць жонку з жывёлай і даслаць фота ў іх афіцыйныя акаўнты ў “ВКонтакте” і Instagram. Прыз аўтару лепшага параўнання — бесплатнае наведванне заапарка. Конкурс прадказальна выклікаў абурэнне сярод жанчын, але арганізатары не сталі яго адмяняць.
Карыстальнікі сацсетак загрузілі больш за трыццаць фатаграфій, дзе людзей параўноўвалі з жывёламі. Тут табе і выдра, і змяя, і малпа. Вядома, гэта можа быць праявай здаровай іроніі, але выглядае ўсё роўна дзіўна.
У выніку пераможцамі было абвешчана 10 чалавек. Арганізатарам так спадабаліся фатаграфіі, што было прынята рашэнне павялічыць колькасць пераможцаў.
Еўрарадыё сабрала пяць самых неэтычных параўнанняў.