Дрон / t.me/flagshtok
Уначы расійскі рэактыўны дрон зноў парушыў паветраную прастору Беларусі. Прыкладна ў 2:30 ён заляцеў у раён Гомельшчыны, паведамляе "Флагшток" са спасылкай на ўкраінскія маніторынгавыя каналы.
Паводле гэтых даных, праз некалькі хвілін "Шахед" накіраваўся ў бок Рэчыцы, а ў 2:44 павярнуў да Нароўлі. У 2:53 беспілотнік ужо манеўраваў у раёне горада. Прыкладна ў гэты ж час у Жытомірскай вобласці Украіны абвясцілі паветраную трывогу.
Каля 3:00 дрон вылецеў з Беларусі і ўзяў курс на Чарнобыльскую зону адчужэння ў Кіеўскай вобласці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут