Яраслаў Грыгор'еў / фота з яго акаўнту ў Інстаграме
Як мінімум адзін з 13 спісаў, пададзеных на выбары ў Каардынацыйную раду, створаны для тролінгу.
Гэта спіс з 10 чалавек пад назвай "За годнасць беларусак", які "ўзначальвае" экс-БРСМавец Яраслаў Грыгор'еў. Пасля 2020 года хлопец сыйшоў у апазіцыю да рэжыму і далучыўся да руху "Супраціў".
Па словах Грыгор'ева, спіс "За годнасць беларусак" — гэта пратэст супраць гендарных квотаў, уведзеных на выбарах у КР. У яго ўключаныя мужчыны, але пад жаночымі імёнамі. Грыгор'еў у адным з дыялогаў ужо напісаў, што адбыўся "місгендарынг" і яго трэба было запісаць як "Яраславу Грыгор'еву".
Як распавядала Еўрарадыё, на выбары ў КР пададзеныя 13 спісаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут