Жорсткі "хапун" студэнтаў адбыўся на мінскіх вуліцах Кірава і Свярдлова. Паводле звестак "Нашай Нівы", было затрымана каля 20 чалавек. На відэа з месца падзеяў бачна, што сілавікі затрымлівалі пераважна хлопцаў. Зрэшты, дзяўчатам таксама даставалася: ад штуршкоў яны проста падалі на зямлю.
Калона студэнтаў прайшла па Мінску больш за 22 км. Удзельнікі шэсця спрабавалі трапіць у Міністэрства адукацыі і перадаць петыцыю з патрабаваннем адстаўкі Аляксандра Лукашэнкі, свабодных выбараў і вызвалення палітвязняў.
Уранку АМАП затрымаў як мінімум 24 студэнтаў каля некалькіх універсітэтаў. Пазней іх выпусцілі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
To see this content visit the full version of this page.