На суд па "справе змоўшчыкаў" 17 жніўня выклікалі лідара Беларускай партыі левых "Справядлівы свет" Сяргея Калякіна.
Як перадае "Спутнік", палітык заявіў, што ведае трох з пяці абвінавачаных: Фядуту, Кастусёва і Зянковіча. Па словах Калякіна, яму ніхто не прапаноўваў удзельнічаць у змове і нават у зумах на гэтую тэму.
Пакідаючы залу суда пасля допыту, ён пажадаў удачы фігурантам справы.
Працэс па "змове з мэтай захопу ўлады" праходзіць у Мінскім абласным судзе. Абвінавачаныя — Юрась Зянковіч, Рыгор Кастусёў, Аляксандр Фядута, Дзяніс Краўчук і Вольга Галубовіч. Следства заяўляе, што яны рыхтавалі пераварот дзеля захопу ўлады неканстытуцыйным шляхам. Зянковіч заключыў здзелку са следствам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут