На краўдфандынгавай платформе MOLAMOLA пачаўся збор грошай на святкаванне 102-х угодкаў з моманту абвяшчэння незалежнасці Беларускай Народнай Рэспублікі.
У аргкамітэт Дня Волі ўвайшлі Беларуская сацыял-дэмакратычная партыя (Грамада), Аб’яднаная Грамадзянская партыя, Беларуская Хрысціянская дэмакратыя і Рух “За Свабоду”.
Арганізатары плануюць правесці мітынг-канцэрт у нядзелю, 22 сакавіка. Час і месца будуць вызначаныя пасля перамоваў з Мінгарвыканкамам.
Спіс удзельнікаў канцэрта будзе абвешчаны пазней: цяпер ідуць перамовы з музычнымі гуртамі.
Таксама аргкамітэт запрашае валанцёраў, якія жадаюць дапамагчы ў правядзенні святочнага мерапрыемства. Зарэгістравацца валанцёры могуць па гэтай спасылцы.
Ахвочыя могуць даслаць свае прапановы наконт лагатыпу Дня Волі-102 да 15 лютага 2020 г. на паштовы адрас 102bnr@gmail.com.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.