9 жніўня, у дзень выбарах, на 300 выбарчых участках пройдзе exit poll.
Яго ініцыятарам, як перадае БЕЛТА, выступіла прадстаўніцтва Міждзяржаўнай тэлерадыёкампаніі "Мір" у Беларусі.
Праводзіць даследаванне будзе Моладзевая лабараторыя сацыялагічных даследаванняў пры рэспубліканскім Саюзе грамадскіх аб'яднанняў "Беларускі камітэт моладзевых арганізацый". Гэтая ж арганізацыя займалася экзітполамі на выбарах у 2010 і 2015 гадах.
"Запыт на аб'ектыўныя сацыялагічныя даследаванні ёсць. Мы трохі стаміліся ад "агароджавай" сацыялогіі. У нашым выбарчым працэсе павінны прысутнічаць цывілізаваныя формы сацдаследаванняў", — заявіў дырэктар МДТРК "Мір" у Беларусі Уладзімір Пярцоў.
У даследаванні будуць задзейнічаныя каля тысячы спецыялістаў. Плануецца апытаць больш за 12 тысяч чалавек. Апытанне будзе працягвацца цэлы дзень. Інтэрв'юеры будуць апытваць пэўную колькасць чалавек у гадзіну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.