Міжнародны крымінальны суд у Гаазе / AP
Міністэрства ўнутраных спраў Расіі абвясціла ў вышук кіраўніцкоў Міжнароднага крымінальнага суда ў Гаазе (МКС) — старшыню Пятра Хофманскага, яго намесніцу Лус дэль Кармэн Ібаньес Карансу і суддзю Бертрама Шміта.
Адпаведная інфармацыя з'явілася ў базе вышуку.
У сакавіку суд у Гаазе выдаў ордары на арышт кіраўніка Расіі Уладзіміра Пуціна і дзіцячага амбудсмена Марыі Львовай-Бяловай. Іх падазраюць у "незаконнай дэпартацыі дзяцей з акупаваных тэрыторый Украіны ў Расію". Юрыдычнай падставай для гэтага з'явіліся публічныя заявы Пуціна і Львовай-Бяловай у расійскіх дзяржаўных СМІ.
Дарэчы, у Крамлі рашэнне Міжнароднага крымінальнага суда назвалі юрыдычна нікчэмным. А расійскае МЗС нагадала, што Расія не з'яўляецца ўдзельніцай Рымскага статута.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут