22 лютага ў мінскім культурным хабе "ОК16" адбудзецца маштабнае свята "Мова Фэст", прымеркаванае да Міжнароднага дня роднай мовы. "Арт Сядзіба" пры падтрымцы генеральнага партнёра "Аліварыя" збярэ разам 50 беларускіх кампаній, арганізацый, ініцыятыў і творчых калектываў, а Еўрарадыё — зладзіць у межах фэсту дыскусію "Нацыянальная ідэя Беларусі" і шэраг іншых цікавых мерапрыемстваў.
Чым адметнае сёлетняе святкаванне Дня роднай мовы? Ці лёгка было знайсці кампаніі і арганізацыі для ўдзелу ў свяце? Ці дапамагаюць такія мерапрыемствы рэальнаму пашырэнню выкарыстання беларускай мовы ў грамадстве?
На гэтыя ды іншыя пытанні ў жывым эфіры Еўрарадыё адказвае кіраўнік Symbal.by і адзін з арганізатараў "Мова Фэсту" Павел Белавус.