Мінскае ўпраўленне МНС паведаміла падрабязнасці здарэння ў гандлёвым цэнтры "Спектр" ў мікрараёне Уручча.
Як распавядала Еўрарадыё, 25 верасня там абвалілася падвесная столь.
"Штатны электрык праводзіў дэмантаж электракабеля, калі адбылося падзенне падвеснай столі на плошчы 25 кв. м. Ніхто не пацярпеў", — інфармуе прэс-служба сталічных ратавальнікаў.
За апошні год гэта трэці падобны выпадак у Мінску. У лістападзе 2018-га абрынулася падвесная столь у ГЦ "Арэна-Сіці", у ліпені 2019-га — у візавым цэнтры Літвы, размешчаным у ГЦ "Галілеа".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.