Паўабаронца БАТЭ Мірка Іваніч адмовіўся ад выкліку ў зборную Чарнагорыі на таварыскія матчы. Пра гэта футбаліст распавёў у каментары "Прессболу".
"У нас спарынгі з Босніяй і Славеніяй 28 траўня і 2 чэрвеня. А якраз у гэтыя дні БАТЭ згуляе з "Іслаччу" і "Гарадзеяй". Таму застаюся ў клубе", — распавёў Іваніч.
Па яго словах, у зборнай Чарнагорыі да гэтага рашэння паставіліся нармальна. Іваніч удакладніў, што гэта не фіксаваныя даты УЕФА, таму ніякіх праблемаў не было.