Зранку 10 лістапада ў розных раёнах Мінска адбыліся акцыі салідарнасці медыкаў з затрыманымі і арыштаванымі калегамі.
Як паведамляе ТГ-канал "Белыя халаты", у ланцугі салідарнасці выходзілі медыкі з Бальніцы хуткай меддапамогі, 6-й гарадской клінікі, 14-й паліклінікі, Рэспубліканскага навукова-практычнага цэнтра хірургіі, траспланталогіі і гематалогіі. Яны трымалі плакаты з надпісамі "Чаму лекары на Акрэсціна?" і "Вызваліце нашых лекараў".
Акцыю медыкаў 7 лістапада сілавікі разагналі практычна на самым пачатку. Шмат дактароў затрымалі. 9 лістапада прайшлі суды над медыкамі: усім ім прызначаюць вялікія тэрміны адміністрацыйнага арышту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.