Мінскі аўтавакзал “Усходні” стане выставачным цэнтрам. Чыноўнікі кажуць, што гэта будзе “унікальны гарадскі аб’ект”.
Дырэктар Мінскага гарадскога тэрытарыяльнага фонду дзяржмаёмасці Галіна Сцяпуранка паведаміла, што цяпер ідзе распрацоўка праекту. А пакуль рэканструкцыя будынка не пачалася, плошчы збіраюцца здаваць у арэнду, інфармуе агенцтва “Мінск-навіны”.
Трохпавярховы будынак аўтавакзалу “Усходні” пустуе з 2016 года Дадаткова быў загружаны аўтавакзал “Цэнтральны”, які знаходзіцца ў зручным для пасажыраў месцы, і патрэба ва “Усходнім” знікла.