Метро Мінска / Screenshot
Мінскі метрапалітэн паказаў у сваім тэлеграм-канале фрагмент з канадска-брытанска-літоўскага фільма Nature Unleashed: Earthquake ("Землятрус"), дзе ў кадр трапілі адразу некалькі станцый сталічнай падземкі. Гледачы пазналі "Маскоўскую", "Акадэмію навук" і "Парк Чалюскінцаў" — прычым з пераблытанымі аб'явамі і несупадзеннем рэальнага маршруту, што надало сцэнам асабліва кур’ёзны шарм. У вагоне таксама засвяціліся схемы мінскай падземкі, а побач — дзіўная "маскоўская" мапа, відавочна змантаваная для сюжэту.
Паводле фільма, дзеянні адбываюцца ў выдуманым расійскім Касурску, над якім навісае пагроза землятрусу. Саму стужку гледачы ацанілі вельмі нізка — усяго 3,7 на IMDb. Таму нечаканае зьяўленне мінскага метро ў гэтым экшэне сёння выглядае хутчэй нагодай для жартаў, чым прычынай для гонару.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут