Мінск узначаліў рэйтынг гарадоў СНД, найбольш папулярных сярод расійскіх турыстаў увосень 2017 года. Пра гэта паведамляе аналітычнае агенцтва "ТурСтат". Рэйтынг складаўся з улікам аналізу звестак сістэм онлайн-браніравання сродкаў размяшчэння турыстаў.
Топ-10 самых папулярных у расійскіх турыстаў гарадоў СНД выглядае наступным чынам: Мінск, Астана, Баку, Ераван, Алматы, Ташкент, Ашхабад, Кіеў, Кішынёў і Бішкек.
Паведамляецца, што турысты наведваюць Мінск увосень у сярэднім на 2,5 дня і выдаткоўваюць на пражыванне $70 у суткі.
У Астану прыязджаюць у сярэднім на 2 дні ($85 у суткі), Баку — 3 дні ($78 у суткі), Ераван — 3 дні ($67 у суткі), Алматы — 3,5 дня ($65 у суткі), Ташкент — 2 дні ($43 у суткі), Ашхабад — 3 дні ($40 у суткі), Кіеў — 2 дні ($56 у суткі), Кішынёў — 1 дзень ($35 у суткі), Бішкек — 1 дзень ($32 у суткі).
Самыя недарагія сталіцы СНД для турыстаў — Бішкек і Кішынёў, найбольшых выдаткаў вымагаюць Астана і Баку.