Эмблема выдавецтва "Тэхналогія" / "Тэхналогія"
У выдавецтва "Тэхналогія" прыпынілі ліцэнзію на распаўсюд друкаваных выданняў. Адпаведнае рашэнне прыняло Міністэрства інфармацыі.
Прычынай называецца тое, што выдавецтва прапусціла тэрмін для падачы паведамлення аб змяненні звестак у Дзяржаўны рэестр.
У лютым "Тэхналогія", як і шэраг іншых незалежных выдавецтваў, трапіла пад пагром. Пасля гэтага выдавецтва паведамляла пра часовае прыпыненне сваёй дзейнасці. Дырэктара "Тэхналогіі" Вацлава Багдановіча арыштавалі разам з усёй сям'ёй — жонкай і дзвюма дочкамі. Пазней усіх выпусцілі акрамя дачкі Вацлава — Вікторыі Багдановіч.
Таксама нядаўна стала вядома пра арышт рэдактара выдавецтва Змітра Санько, якому за кратамі ўжо споўнілася 76 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут