Мінчукі, якія купляюць на Новы год жывыя ялінкі, змогуць пасля святаў здаць іх на перапрацоўку.
"Просім мінчукоў 18 альбо 25 студзеня вынесці дрэвы, папярэдне ачысціўшы ад упрыгожванняў і мішуры, на кантэйнерныя пляцоўкі. 19 і 26 студзеня службы горада будуць арганізавана вывозіць адтуль елкі на перапрацоўку", — распавёў агенцтву "Мінск-Навіны" намеснік старшыні Мінгарвыканкама Аляксандр Дараховіч.
Ён таксама заклікаў аўтамабілістаў не паркаваць машыны каля кантэйнерных пляцовак.
Дарэчы, пасля навагодніх святаў у Мінску выкідваюць 30-40 тысяч ялінак. Гэта складае каля 200 тон сыравіны. Цяпер дрэвы не будуць вывозіць на сметнікі, а стануць драбіць ў паліўную дранку, ператвараць у кампост і мульчу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.