Падчас вучэбна трэніровачнага палёта пад Баранавічамі разбіўся ваенны самалёт Лідскай штурмавой авіябазы Як-130, паведамляе Мінабароны. Пры гэтым загінулі абодва лётчыкі.
"Палёт выконвалі камандзір звяна вучэбна-баявой эскадрыллі 116-ы шаб маёр Нічыпорчык Андрэй Уладзіміравіч і лейтэнант Куканенка Мікіта Барысавіч — лётчык звяна вучэбна-баявой эскадрыллі на Як-130 116-ы шаб", — гаворыцца ў паведамленні прэс-служба Міністэрства абароны.
Падчас палёту экіпаж выявіў тэхнічную няспраўнасць у самалёце. Як паведамляецца, лётчыкі паспрабавалі адвесці самалёт ад населенага пункта. Пераканаўшыся, што траекторыя падзення самалёта знаходзіцца па-за жылымі дамамі, пілоты катапультаваліся, але, на жаль, загінулі.
Іншых ахвяр і разбурэнняў няма.
На месца здарэнні будзе працаваць камісія Мінабароны на чале з намеснікам міністра абароны па ўзбраенні.
Сем'ям загінулых будзе аказаная дапамога.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут