Міліцыя звярнулася па дапамогу да магілёўцаў у раскрыцці забойства супрацоўніка ДАІ. Сілавікі шукаюць інфармацыю пра аўтамабіль, у які сеў лейтэнант Яўген Патаповіч. Мяркуецца, што яго забілі людзі, якія былі ў машыне.
Да насельніцтва звярнулася ўпраўленне крымінальнага вышуку УУС Магілёўскага аблвыканкама. Міліцыя просіць адгукнуцца грамадзян, якія бачылі, як інспектар ДАІ ў форме ў чацвер, 16 траўня, у час з 17:30 да 18:20 садзіўся ў аўтамабіль. Адбылося гэта ў раёне Першамайскай вуліцы ў Магілёве, а таксама ў раёне завулка Мігая. Таксама сілавікі звяртаюцца да кіроўцаў. Калі іх аўтамабілі знаходзіліся ў той час у тым раёне, прадаставіць міліцыі запісы з відэарэгістратараў. Грамадзянам гарантуецца ананімнасць і ўзнагароджанне.
З гэтага паведамлення вынікае, што аўтамабіль, на якім быў вывезены ў лес за горад лейтэнант Яўген Патаповіч, дагэтуль не знайшлі.