Міністр унутраных спраў Ігар Шуневіч мяркуе, што тату-салоны таксама павінны несці адказнасць за нанясенне нацысцкіх татуіровак. З такой заявай ён выступіў у праграме "Буйным планам" на тэлеканале "Беларусь 1" увечары 1 снежня.
МУС падрыхтавала ўжо законапраект аб барацьбе з нацысцкай ідэалогіяй. Па словах Шуневіча, дакумент прайшоў ўнутрыдзяржаўнае ўзгадненне і цяпер знаходзіцца ў Савеце Міністраў. Міністр спадзяецца, што дэпутаты Палаты прадстаўнікоў разгледзяць яго на бліжэйшай сесіі.
У міліцэйскім ведамстве лічаць, што нацысцкія татуіроўкі з'яўляюцца праявай супрацьпраўных паводзін. Паводле тлумачэнняў Шуневіча, "як правіла, проста дэманстрацыя або наяўнасць нацысцкай сімволікі суправаджаецца іншымі супрацьпраўнымі дзеяннямі, часцяком цяжкімі злачынствамі".