Падкоп пад мяжой / Straż Graniczna
Мігранты хацелі нелегальна перайсці беларуска-польскую мяжу праз падкоп. Але яго выявілі польскія памежнікі. Пра гэта паведамілі ў Падляшскім аддзеле памежнай аховы Польшчы.
"У зоне адказнасці памежнай заставы ў Міхалуве група з больш як 20 грамадзянаў Афганістана пранікла праз тунэль пад тэхнічнай загароджай, якая абараняе мяжу", — гаворыцца ў паведамленні памежнай службы.
Таксама памежнікі паведамляюць пра сілавыя інцыдэнты. У раёне Нарэўкі мігранты закідалі польскіх патрульных камянямі, петардамі і бутэлькамі з вадкасцю, а пад колы аўтамабіляў кідалі кавалкі калючага дроту. Памежнікі адзначаюць, што быў пашкоджаны службовы аўтамабіль.
Агулам на тэрыторыі Падляшскага аддзела за 9 ліпеня зафіксавалі больш за 100 спробаў парушэння мяжы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут