Малодшы сын кіраўніка Беларусі Мікалай Лукашэнка павіншаваў кітайцаў з Новым годам. Відэа размясціў у сацсетках амбасадар нашай краіны ў Кітаі Кірыл Руды. Дыпламат назваў Мікалая Лукашэнку "самым вядомым у Кітаі беларускім тынэйджарам".
Сын беларускага кіраўніка акампанаваў на раялі кітайскай спявачцы, а потым сам зачытаў тэкст па-кітайску. Каля раяля стаяў фатаздымак з выявамі Аляксандра Лукашэнкі, Сі Цзіньпіна з жонкай і самога Мікалая.