Лукашэнка — прэзідэнту Малдовы: Вам давядзецца яшчэ нямала перажыць

Чытаць болей: Страна одного олигарха. Спецрепортаж из Молдовы

Аднак праз тыдзень Канстытуцыйны суд адмяніў папярэднія рашэнні, а Плахатнюк з'ехаў з краіны. Ігар Дадон, падобна, упэўнены ў сваім становішчы — і наведвае Мінск з афіцыйным візітам. Ён застанецца тут да 21 чэрвеня, калі пройдзе цырымонія адкрыцця II Еўрапейскіх гульняў.

"Дзякуй вам за гэты візіт. Пасля ўсіх бурных падзей хачу павіншаваць вас і ўвесь малдаўскі народ, эліту малдаўскага народа з тым, што вы годна выйшлі з няпростага, складанага становішча, — сказаў Ігару Дадону Аляксандр Лукашэнка. — Вы, напэўна, знаходзячыся непасрэдна ў сонме гэтых падзей, не зусім востра, як мы, гэта ўспрымаеце. мы вельмі перажывалі і хварэлі за вас".

Чытаць болей: Почему белорусские и украинские мигранты всё реже едут в Россию

Аляксандр Лукашэнка дадаў, што ўлады Малдовы прадэманстравалі стойкасць і рашучасць. "Проста разумныя людзі, — заявіў ён. — Думаю, што на гэтым цяжкім шляху вам як прэзідэнту давядзецца яшчэ нямала перажыць, каб дабрабыт малдаван, якія на вас разлічваюць, падняць да нармальнага ўзроўню. Мы ў гэтым ўдзельнічаем і гатовыя далей ажыццяўляць гэтае супрацоўніцтва на карысць нашых народаў".

Ігар Дадон запрасіў Аляксандра Лукашэнку наведаць Малдову восенню, да часу збору вінаграду. "У Малдове вас вельмі любяць, чакаюць. Вы мне абяцалі, што мы збяром вінаград у гэтым годзе. Сітуацыя ў нас стабілізуецца ў найбліжэйшыя, думаю, месяц-паўтара. І вельмі спадзяюся, што ўвосень мы вас убачым у гасцях у Рэспубліцы Малдова", — сказаў малдоўскі прэзідэнт.