Аляксандр Лукашэнка пагадзіўся з датай 11 верасня для правядзення выбараў у Палату прадстаўнікоў. Пра гэта сёння заявіла БЕЛТА старшыня Цэнтрвыбаркама Лідзія Ярмошына па выніках нарады ў кіраўніка краіны, прысвечанай удасканаленню выбарчага заканадаўства.
Паводле Ярмошынай, кіраўнік краіны пагадзіўся, што 11 верасня — аптымальная дата для парламенцкіх выбараў, а выбарчая кампанія павінна пачацца не пазней за 10 чэрвеня.
Пры гэтым ён пагадзіўся з тым, што выбары трэба прызначыць да пачатку выбарчай кампаніі. Плануецца, што яна стартуе 7 чэрвеня гэтага года, а 8 чэрвеня ЦВК плануе зацвердзіць план арганізацыйных мерапрыемстваў, бюджэт выбараў, межы тэрытарыяльных акругаў.