Мінгарвыканкам / Еўрарадыё
У 2022 годзе Мінск атрымаў замежнай бязвыплатнай дапамогі на суму крыху больш за 30 млн долараў ЗША ў эквіваленце. такую суму назвала старшыня камітэта па працы, занятасці і сацыяльнай абароне Мінгарвыканкама Жанна Рамановіч, паведамляюць "Мінск-Навіны". Дапамога паступала з 49 краін свету.
Гэта больш, чым паступіла ў 2021 годзе.
Па словах чыноўніцы, гэтыя грошы былі накіраваныя на сацыяльную дапамогу ўразлівым слаям насельніцтва, рэалізацыю праектаў сацыяльнай сферы, закупку медыцынскага абсталявання і лекаў, а таксама развіццё фізкультуры і спорту. Найбольшы аб'ём замежнай бязвыплатнай дапамогі атрымалі ўстановы аховы здароўя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут