Кіраўнік Праваслаўнай царквы Украіны мітрапаліт Епіфаній атрымаў томас аб аўтакефаліі, падпісаны напярэдадні патрыярхам канстанцінопальскім Варфаламеем. Царкоўны ўказ, выдадзены на пергаменце, перадалі прадстаяцелю ПЦУ 6 студзеня падчас набажэнства ў храме Святога Георгія ў Стамбуле, паведамляе 112.ua.
Заўтра, 7 студзеня пергамент з тэкстам томаса, падпісанага патрыярхам Варфаламеем, выставяць у Сафійскім саборы ў Кіеве.
Цяпер Праваслаўная царква Украіны стала адной з 15 памесных праваслаўных цэркваў і набыла фармальную незалежнасць ад Рускай праваслаўнай царквы.