Кіраўнік Калінкавіцкага раёна Сяргей Гвоздзь, адказваючы на пытанні мясцовых жыхароў, расказаў, наколькі сёлета падаражэў "ямачны рамонт" дарог. Паводле яго слоў, адзін квадратны метр летась каштаваў каля 77 рублёў, цяпер жа — 120 рублёў. Адна тона бітума ў 2021-м каштавала 890 рублёў, у 2022-м — 1750. Гвоздзь наракае на "анамальнае надвор'е" ў мінулую зіму, з-за якога "аб'ём рамонту дарог... вырас у разы", піша knews.by. Дзіўна, што не былі згаданы яшчэ і заходнія санкцыі.
"Як бачыце, нашым дарожнікам і камунальнікам сёлета прыйдзецца вельмі нялёгка наводзіць парадак на дарогах", — заявіў старшыня райвыканкама.
Праблема стану дарог актуальная не толькі для Калінкавіцкага раёна, але і для ўсёй краіны. У Мінску таксама наракаюць на надвор'е. Аб'ём "ямачнага рамонту" ў сталіцы павялічыўся на 30%.
"Ямачны рамонт" — гэта калі з дарогі здымаецца невялікі ўчастак пашкоджанага асфальту, непрыдатны матэрыял вывозяць, а на яго месца ўкладваюць новы пласт (могуць быць і больш простыя варыянты).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут