Міністр унутраных справаў Польшчы Марыюш Каміньскі сцвярджае, што беларускія "праваднікі" даюць метадон дзецям мігрантаў, якія штурмуюць мяжу Беларусі з Еўрасаюзам. Па яго словах, такі выпадак меў месца як мінімум аднойчы — 22 ліпеня. Яго зафіксавалі літоўскія памежнікі.
"22 ліпеня ля Друскенінкая літоўскія памежнікі затрымалі групу мігрантаў з двума дзецьмі: 6 і 1,5 гадоў. Бацькі пасля затрымання памежнікамі звярнуліся са скаргай, што не могуць абудзіць дзяцей, і папрасілі дапамогі. Яны распавялі, што адзін з тых, хто суправаджаў іх да мяжы, даў дзецям выпіць таблеткі — каб тыя не плакалі пры пераходзе мяжы. Дзеці былі дастаўленыя ў шпіталь, дзе дактары пацвердзілі, што яны ўжылі метадон", — распавёў Камінскі 27 верасня на прэс-канферэнцыі ў Варшаве.
Удзень 27 верасня выказаўся пра сітуацыю на мяжы Беларусі з Еўрасаюзам і Аляксандр Лукашэнка. Ён правёў на гэты конт нараду з сілавікамі. На яго думку, палякі, якія знаходзяцца "пад парасонам амерыканцаў", наўмысна ціснуць на Еўрасаюз, заяўляючы, што Беларусь арганізуе на яго "гібрыдную атаку".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут