Тэль-Авіў / Economist
Іран можа ўжо ў панядзелак 5 жніўня нанесці ўдар па Ізраілю ў якасці адказу на забойства кіраўніка палітбюро ХАМАС Ісмаіла Ханіі. Пра гэта піша Axios са спасылкай на афіцыйных асоб ЗША і Ізраіля.
Ізраіль не браў на сябе адказнасць за ліквідацыю Ханіі, які быў забіты ў выніку выбуху ў Тэгеране.
Sky News Arabia дае іншую інфармацыю: па іх дадзеных, Іран плануе напад на ноч з 12 на 13 жніўня — тады ў Ізраілі адзначаюць Дзень жалобы яўрэйскага народа па разбураным Іерусалімскім храме.
Амерыканская выведка чакае, што да атакі падключыцца групоўка "Хізбала", якая месціцца ў Ліване.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут