Ілон Маск, кіраўнік Tesla і Space X / Gonzalo Fuentes / REUTERS/ File Photo
Ілон Маск актыўна разглядае магчымасць зліцця дзвюх сваіх буйнейшых кампаній — Tesla і SpaceX, піша BBC.
"Лічу гэта добрай ідэяй? Так", — сказаў Маск падчас тэлефоннай канферэнцыі з фінансавымі аналітыкамі.
Паводле яго, у абедзвюх кампаніях створаны спецыяльныя камітэты для вывучэння гэтага кроку.
"Спецыяльныя камітэты яшчэ не дасягнулі пагаднення па ўмовах якой-небудзь здзелкі, і няма ніякай гарантыі, што гэта адбудзецца. Але я думаю, што ў зліцці ёсць шмат пераваг", — дадаў Маск.
Улічваючы, што рынкавая капіталізацыя Tesla складае каля 1,5 трыльёна долараў, а SpaceX — 2 трыльёны долараў, аб'яднанне гэтых дзвюх кампаній стала б адным з буйнейшых зліццяў у гісторыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут