На вуліцы Маскоўскай у сталіцы ўвечары 5 студзеня ў "гадзіну пік" утварыўся затор. Прычынай стаў грузавы кран, паведаміў агенцтву БЕЛТА афіцыйны прадстаўнік АДАІ Кастрычніцкага РУУС Мінска Сяргей Маслаў.
Па яго словах, у аўтамабілі на марозе пачало замярзаць паліва, і з гэтай прычыны заглух рухавік. На дапамогу выправіліся інспектары ДАІ.
У каментары onliner.by даішнік удакладніў, што кіроўца спыніў кран і павольна, пры дапамозе стартара з'ехаў з праезнай часткі.
Прадстаўнікі Дзяржаўтаінспекцыі кажуць, што ліквідаваць затор на адной з цэнтральных гарадскіх вуліц атрымалася даволі аператыўна.
Фота: onliner.by