У Гродне многія бачылі на вуліцы пажылых мужчыну і жанчыну, якія стаяць з плакатам. На ім вялікімі літарамі напісана, што яны шукаюць сведкаў ДТЗ, у якім загінуў іх сын. Хаця здарэнне адбылося паўгода таму, бацькі дагэтуль не могуць знайсці відавочцаў.
У зводцы ДАІ паведамлялася, што аўтааварыя адбылася зранку 3 чэрвеня на скрыжаванні Індурскай шашы і вуліцы Кабяка. 22-гадовая дзяўчына на "Мерсэдэсе" ехала з боку Паўднёвага рынку і паварочвала налева. 32-гадовы скутэрыст рухаўся з кальца Славінскага-Перамогі прама, калі аўтамабіль не саступіў яму дарогу. Скутэрыст загінуў на месцы здарэння.
Бацька загінулага скутэрыста Пётр Язерскі кажа, што сведкаў ДТЗ не можа знайсці, хаця само скрыжаванне мае ажыўлены рух. Па яго словах, пасля аварыі на скрыжаванні утварыўся затор. "І адзін з кіроўцаў, як нам потым распавядалі, пакінуў свой нумар мабільнага тэлефона. У яго, як ён казаў, была запіс аварыі на рэгістратар. Але ў справе няма гэтага відэа. Напэўна, у мітусні супрацоўнікам ДАІ так і не перадалі каштоўную інфармацыю", — цытуе tut.by словы Пятра Язерскага.