Пастару гомельскай суполкі хрысціян поўнага Евангелля "Жывая вера" Дзмітрыя Падлобку пагражае крымінальная справа, калі ён будзе ладзіць абрад хрышчэння. Пра гэта ён напісаў у сваім акаўнце ў Фэйсбуку.
Напрыканцы ліпеня Падлобку асудзілі ха хрышчэнне праведзенае ў двары прыватнага дома. Гэта ацанілі як несанкцыянаванае масавае мерапрыемства. Пастара аштрафавалі на 640 рублёў (20 базавых велічыняў).
А 24 жніўня пастару выдалі ў міліцыі папярэджанне аб недапушчальнасці паўторнага парушэння закона аб масавых мерапрыемствах: "Папярэдзілі, што калі будзе парушэнне закону яшчэ, то гэта ўжо можа быць крымінальная справа. А бонусам мяне апавясцілі, што цяпер цягам года кожны месяц са мной асабіста будзе сустракацца ўчастковы міліцыянт — каб праводзіць прафілактычную работу".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут