Іранскія дроны "Шахід-136" / armyinform.com.ua
Генштаб Узброеных сілаў Украіны заявіў, што Расія запускала іранскія дроны "Шахід-136" з тэрыторыі Беларусі.
Паводле звестак ведамства, удары па Украіне 10 кастрычніка праводзіліся ў тым ліку з тэрыторыі Беларусі і акупаванаг Крыма. Пры гэтым выкарыстоўваліся іранскія дроны-камікадзэ.
Колькасць іх не называецца. Аднак у Генштабе УСУ сцвярджаюць. што збілі дзевяць такіх дронаў.
Як распавядала Еўрарадыё, зранку ў панядзелак расіяне нанеслі масавы ўдар па буйных украінскіх гарадах. Пацярпелі Кіеў, Мікалаеў, Жытомір, Львоў, Цярнопаль, Івана-Франкоўск ды іншыя ўкраінскія гарады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут