На першым энергаблоку Беларускай АЭС скончылі ўстаноўку чатырох парагенератараў. Корпус кожнага парагенератара важыць 330 тон. Як інфармуе рэспубліканскае ўнітарнае прадпрыемства "Беларуская атамная станцыя", іх падымалі на транспартную эстакаду і па рэйках, праз транспартны шлюз, перасоўвалі ў будынак рэактара. На "штатнае месца" карпусы ўстанавілі з дапамогай палярнага крана.
Цяпер ідуць падрыхтоўчыя працы для пачатку зваркі галоўнага цыркулярнага трубаправода.